Son günlər Bakının Nərimanov rayonunda yerləşən bir binanın üzərindəki "FinTech" yazısı sosial mediada geniş müzakirələrə səbəb olub. Bu görüntü bir çox insanda Bakıda yeni bir FinTech mərkəzinin açıldığı təəssüratını yaradıb. Lakin araşdırmamız göstərir ki, belə bir mərkəz açılmayıb.
Əslində, bu bina "E-Manat" şirkətinə məxsusdur və burada yenilənmə işləri aparılmışdır. Təmir işlərindən sonra bina "FinTech Plaza" adlandırılıb. Tikinti prosesi zamanı çəkilmiş fotolar sosial mediada yayılaraq yanlış anlaşılmalara yol açıb.
Hazırda bina "FinTech Plaza" adı ilə tanınır, lakin bu, yeni bir mərkəz deyil, sadəcə şirkət binasının yenilənmiş halıdır.
