Rusiyada yerləşən lüks dizayn şirkəti Caviar ötən aylarda təqdim edilən iPhone 14 Pro Max modeli üçün yeni dizayn təqdim edib.
Belə ki, Caviar şirkəti 1TB iPhone 14 Pro Max-ın xarici dizaynını tamamilə yeniləyib. Dizaynerlər xüsusi örtük üçün 18 karat qızıl və 8 brilyantdan istifadə ediblər. Bundan əlavə, telefonun arxa hissəsinə dünyanın ən bahalı saat istehsalçılarından biri olan Rolex saatını birləşdirilib.
Yeni dizaynla təqdim edilmiş telefonun qiyməti isə 135 min 420 dollar olaraq müəyyən edilib. Şirkət verdiyi açıqlamada belə modeldən yalnız 3 ədəd hazırlandığını və artıq hazırlanmayacağını bildirib.
