Çinin smartfon istehsalçısı Xiaomi şirkəti smartfonlara inteqrasiya oluna bilən yalan detektorunu patentləşdirib. Bununla da, Xiaomi-nin gələcəkdə buraxacağı flaqman telefonları yalan detektoru kimi istifadə edilə biləcək.
Xiaomi-nin smartfonlar üçün yeni patenti insan gözlərinə yönələcək. Bu texnologiya istifadəçinin üzünü və göz bəbəklərini izləyən xüsusi kamera sayəsində həmin şəxsin yalan danışıb danışmadığını müəyyən edə biləcək. Həmçinin kameranın süni intellekti bəbəyin genişlənməsinin stressdən, yoxsa yalandan olduğunu müəyyən edəcək.
Əlavə olaraq bildirək ki, Çin şirkətinin bu texnologiyadan hansı cihazlar üçün istifadə etməyi planlaşdırdığı hələlik məlum deyil.
