Qərarın mümkün səbəbi kimi Trampın dövründə qüvvəyə minmiş idxal rüsumları göstərilir. Sözügedən məhsullar Amazon tərəfindən istehsalçı ölkələrdən birbaşa satın alınır, ABŞ-yə gətirilir və bütün gömrük rüsumları şirkətin özü tərəfindən ödənilir. Bu cür birbaşa idxal Amazon-un məhsul çeşidinin təxminən 40 faizini təşkil edir.
Hazırda ləğv olunan sifarişlərin konkret sayı və həcmi barədə məlumat verilməyib. Şirkət məsələ ilə bağlı ictimai şərh təqdim etməkdən imtina edib.
Məlumata görə, ləğv edilən sifarişlər arasında Amazon ilə artıq on ildən çox əməkdaşlıq edən tədarükçülər də var. Onlardan biri, şezlonq istehsalçısı, şirkətdən aldığı məktubda sifarişlərin “səhvən” verildiyi bildirilərək, malların göndərilməməsi istənilib. Həmin sifarişin dəyəri 500 min ABŞ dolları təşkil edir ki, bu da 2025-ci il 9 aprel tarixinə olan Mərkəzi Bankın məzənnəsinə əsasən 42,7 milyon rubl edir. Tədarükçü məhsulun artıq istehsal olunduğunu və ödənişin gözlənildiyini bildirərək alternativ alıcılar axtarmağa məcbur qalıb.
Amazon şirkətində tədarükçülərlə iş üzrə keçmiş menecer, hazırda konsaltinq sahəsində çalışan Skott Miller də sifarişlərin xəbərdarlıq edilmədən ləğv olunduğunu təsdiqləyib. Onun sözlərinə görə, bu hal bir sıra tədarükçüləri çətin vəziyyətə salıb. Onlar ya məhsullarını yeni alıcılara təklif etməli, ya da Amazon ilə daha sərt və az sərfəli şərtlərlə razılığa gəlməlidirlər.
