Amazon "TikTok"un bütün hüquqlarını əldə etmək məqsədilə təklif göndərib. Bu xəbər The New York Times tərəfindən yayımlanıb. TikTok 5 aprel tarixinə qədər Çin sahibkarlığından imtina etməli və ya ABŞ-də qadağan olunma riski ilə üzləşməli olduğu üçün Amazon-un təklifi diqqət çəkib. Lakin, danışıqlarda iştirak edən tərəflər bildiriblər ki, Amazon-un təklifi ciddi şəkildə nəzərə alınmayıb.
Tramp TikTok-un gələcəyi ilə bağlı müvafiq rəsmi şəxslərlə görüş keçirəcək. Tramp daha əvvəl bildirib ki, TikTok-un ana şirkəti ByteDance ilə razılaşmanın 5 aprel tarixinə qədər tamamlanması gözlənilir.
Financial Times-ın verdiyi məlumata görə, bir gün əvvəl Andreessen Horowitz, TikTok-a investisiya qoymaq məqsədilə Oracle-in rəhbərlik etdiyi təklifdə iştirak etmək üçün danışıq apardığını və digər bir çox amerikalı investorların bu təklifi dəstəklədiyini açıqlayıb.
Keçən həftə isə Reuters özəl investisiya şirkəti Blackstone-un ByteDance-in hazırkı qeyri-Çinli səhmdarları ilə birlikdə, o cümlədən Susquehanna International Group və General Atlantic ilə TikTok-un ABŞ əməliyyatlarını əldə etmək məqsədilə yeni kapital təmin etməyi müzakirə etdiyini bildirərək, bu müzakirələrin TikTok-un gələcəyini müəyyənləşdirməkdə əhəmiyyətli rol oynadığını qeyd edib.
