Twitter Beta versiyasından istifadə edən istifadəçilər üçün hazırlanmış X tətbiqinin 10.0.0-beta.0 versiyası buraxılıb. Twitter-in orijinal mavi quş ikonu ağ X-də qara fonla əvəz edilib.
Android tətbiqi hələ də "Twitter Beta" olaraq adlandırılsa da, tətbiq daha sonra sabitləşdikdə bu adın "X" olaraq dəyişəcəyi gözlənilir. Bu məlumat Dylan Roussel tərəfindən APK-nın nəzərdən keçirilməsindən əldə edilib.
Həmçinin, artıq X işarəsi köhnə Twitter ikonasının əvəzinə tətbiqin əsas lentində yer alıb.
Onu da qeyd edək ki, tətbiqin paket adı hələ də com.twitter.android-dir və bu vəziyyət yəqin ki, dəyişməyəcək. Bunun səbəbi, tərtibatçıların tez-tez istifadəçiləri yeni proqramı yükləməyə məcbur etməkdən çəkinməsidir.
Twitter-in baş direktoru Linda Yaccarino X platformasını "hər şey üçün proqram" kimi təsvir edir. Platformanın süni intellektlə dəstəklənən xüsusiyyətləri də təqdim edəcəyi bildirilir.
