Bu ilin əvvəlində DeepSeek süni intellekt modellərinin daha az çipə ehtiyac duyduğu barədə şayiələrə görə "Nvidia"nın səhmlərində ani düşüşə səbəb olmuşdu. İndi isə Alibaba qurucusu Jack Ma-nın dəstəklədiyi Ant Group kimi Çinli maliyyə texnologiyaları (fintech) şirkəti süni intellekt sahəsində böyük bir yenilik etdiyini iddia edir. Bloomberg-in məlumatına görə, Ant Group yalnız Alibaba və Huawei tərəfindən istehsal olunan Çin çiplərindən istifadə edərək süni intellektin təlim (öyrədilməsi) xərclərini 20% azaltmağı bacarıb. Bu Çin istehsalı çiplərin performansı (sürəti və gücü) Ant Group-un sınaqlarında Nvidia çipləri ilə demək olar ki, eyni olub.
Əgər bu Çin çipləri geniş istifadə olunmağa başlasa, "Nvidia"nın hazırda süni intellekt bazarında lider və ən çox qazanc gətirən mövqeyinə zərər verə bilər.
Buna baxmayaraq, Nvidia çipləri dünyada, o cümlədən Çində çox tələb olunur. ABŞ-nin ixrac məhdudiyyətlərinə baxmayaraq, Çin alıcıları "Nvidia"nın ən son Blackwell çipini əldə etməyə davam edirlər.
Ant Group və Nvidia bu xəbərlə bağlı şərh verməyib.
