Fərrux Əli yeni yaradılan Future Lab-a direktor təyin edildi

PAŞA Holding-in tərkibində yeni şirkət - Future Lab yaradılıb.

Şirkətin məqsədi PAŞA Holding-ə daxil olan maliyyə şirkətləri üçün yeni məhsulların yaradılması üzrə laboratoriya kimi çıxış etmək və onların biznes ehtiyaclarına uyğun olan həll yollarını daha çevik şəkildə test edib şirkətlərə və bazara təhvil verməkdir. Bu şirkət, eyni zamanda, PAŞA Holding-in innovativ olmaq va ölkədə innovasiya ekosisteminə töhfə vermə məqsədinə də xidmət göstərəcək.

"PAŞA Holding" MMC-nin innovasiyalar üzrə rəhbəri Fərrux Əliyev Future Lab-in baş icraçı direktoru vəzifəsini icra edəcək. Fərrux Əliyev 2015-ci ildə "PAŞA Holding" MMC-ya qoşulub, əvvəlcə korporativ kommunikasiyalara rəhbərlik edib. Fərrux Əli və onun komandası qrup daxilində sahibkarlıq davranışını inkişaf etdirmək üçün platformalar hazırlayıb. Onlar həmçinin, InMerge innovasiya sammitinin ideyası və uğuru da daxil olmaqla, biznesin böyüməsinə töhfə verərək, tərəfdaşlıq etmək va sərmayə qoymaq üçün bir çox imkanlar yaradıblar.

Eyni zamanda bildirmək istərdik ki, Fərrux Əliyev Future Lab-in baş icraçı direktor vəzifəsinə yüksəldiyi üçün onun komanda üzvü Tuğra Musayeva PAŞA Holding Korporativ Mərkəzində İnnovasiyalar Departamentinin gündəlik idarəçiliyini müvəqqəti həyata keçirəcək.