İlon Mask Twitter-in saytındakı Twitter loqosunu Dogecoin loqosu ilə əvəz edib.
Twitter-in veb səhifəsinə daxil olduğunuz zaman yuxarı sol küncdə Dogecoin loqosunu görə bilərsiniz. Bundan əlavə, sözügedən dəyişiklik yalnız internet saytındadır. Mobil tətbiqdə heç bir dəyişiklik edilməyib.
Qeyd edək ki, Dogecoin loqosunun saytda yerləşdirilməsi ilə kriptovalyutanın dəyəri yüksəlib. Belə ki, bu müddətdə Dogecoin-in qiyməti təxminən 25 faiz artıb. Kriptovalyura yeniləmədən sonra 7,7 sentdən 10,2 sentə yüksəlib və "Doge" etiketi "Twitter"də də populyarlaşıb.
Dogecoin loqosunun niyə seçildiyi və Twitter loqosunun saytda nə vaxt bərpa ediləcəyi barədə isə hələlik məlumat yoxdur.
