Tramp administrasiyasının apardığı kəsintilər süni intellekt araşdırmalarını təhlükə altına qoyur. Bloomberg-in məlumatına görə, ABŞ Milli Elmlər Fondu (NSF) süni intellekt sahəsində ekspert olan bir çox işçisini işdən çıxarıb. Bu, agentliyin mühüm süni intellekt araşdırmalarını davam etdirmək qabiliyyətini zəiflədir.
NSF-dəki Texnologiya, İnnovasiya və Tərəfdaşlıq Direktorluğu, süni intellektlə bağlı hökumət qrantlarının paylanmasında əhəmiyyətli rol oynayırdı. Ancaq işdən çıxarmalar səbəbindən bir çox icmal paneli təxirə salınıb və ya ləğv edilib bu da bəzi süni intellekt layihələrinin maliyyələşməsini dayanmasına səbəb olub.
Süni intellekt sahəsindəki mütəxəssislər Tramp administrasiyasının elmi qrantlarla bağlı apardığı kəsintiləri tənqid ediblər. Xüsusilə, İlon Maskın rəhbərlik etdiyi Hökumət Effektivliyi Departamenti tərəfindən edilən kəsintilər narahatlıq doğurur. Süni intellekt sahəsinin tanınmış simalarından biri olan Geoffrey Hinton, Maskı ABŞ-dakı elmi qurumlara verdiyi ziyana görə Britaniya Krallıq Cəmiyyətindən çıxarılmağa çağırıb.
Mask isə Hinton-un paylaşımına cavab olaraq, "Xətalar edəcəyəm, amma onları düzəltməyə çalışacağam" deyib.
