İlon Mask Twitter-də keçirilən sorğularla bağlı yeni dəyişikliyi təqdim edib.
Məlumata görə, aprelin 15-dən etibarən sosial şəbəkədə yalnız “mavi işarəli” təsdiqlənən hesablar sorğularda iştirak edə biləcək.
Xatırladaq ki, platformada mavi işarə artıq hər kəs üçün aktivləşib. İndi dünyanın hər yerində istifadəçilər bu işarəni ala biləcəklər. Əvvəllər sadəcə məşhur şəxslərin istifadə edə bildiyi funksiya daha sonra dünyanın bəzi ölkələrindən olan istifadəçilər üçün satılırdı. Yeni dəyişiklik sayəsində dünyanın istənilən ölkəsində istifadəçilər aylıq 7 dollar ödəməklə onu ala biləcəklər.
