Twitter-in iş axtarışı sistemi olan Laskie-ni satın aldığı bildirilib.
Tərəflər müqavilənin məbləğini açıqlamayıblar. Laskie informasiya texnologiyaları üzrə iş axtaranları onların profillərindən, işəgötürənin ehtiyaclarından və iş təsvirlərindən toplanan məlumatlar əsasında işəgötürənlərlə əlaqələndirməyə kömək edirdi.
Bu İlon Mask CEO olduqdan sonra Twitter-in ilk satınalmasıdır. Satınalmanın Twitter-i bir çox funksiyaları olan “super proqrama” çevirməyə kömək edəcəyi gözlənilir. Lakin, Maskın Laskie-ni Twitter-ə necə inteqrasiya etməyi planlaşdırdığı bəlli deyil.
Qeyd edək ki, Laskie 2021-ci ildə San Fransiskoda Kris Bakke tərəfindən təsis edilib. Bundan əvvəl o, startaplarından birini onlayn iş birjası olan Indeed-ə satıb.
Hal-hazırda isə Laskie-nin veb-saytına daxil olduqda xidmətin mövcud olmadığı bildirir. Məlumat üçün bildirək ki, Crunchbase-ə görə, Laskie 2021-ci ildə 6 milyon dollar toplayıb.
