Airbnb şirkətinin baş direktoru Brayan Çeski süni intellekt (Sİ) agentlərinin hələ ki, Google kimi dominant axtarış platformasına çevrilmədiyini bildirib. O, investorlarla görüşdə süni intellekt chatbotlarının turizm və xidmət sahəsində yeni müştərilər cəlb edə biləcəyini, lakin hələlik Google-un gətirdiyi istinadların tam əvəzləyicisi olmadığını vurğulayıb.
Çeski deyib ki, “biz bu sahəni hələ kəşf edirik və süni intellekt agentlərini Google kimi qəbul etmək hələ tezdir.” Onun sözlərinə görə, ChatGPT kimi Sİ modelləri mülkiyyət hüququ ilə qorunmur, bu modellər təkcə ChatGPT-yə aid deyil və Airbnb də bu texnologiyalardan istifadə edə bilər.
Airbnb artıq ABŞ-də Sİ əsaslı müştəri xidmətləri agenti tətbiq edib və bu, insan müştəri xidmətlərinə müraciət edənlərin sayını 15% azaldıb. Çeski qeyd edib ki, müştəri xidmətləri sahəsində Sİ agentləri səhv məlumat verməməli, dəqiq və faydalı olmalıdır.
Hazırda bu agent yalnız ingilis dilində işləyir, amma bu il daha çox dilə inteqrasiya olunacaq. Gələn il isə agent müştərilərin sorğularına daha şəxsiləşdirilmiş cavablar verəcək, məsələn, rezervasiyanı ləğv etmək istəyənə yardım edəcək və bunu özü yerinə yetirəcək.
Baş direktor əlavə edib ki, Airbnb yaxın gələcəkdə Sİ-ni axtarış sisteminə də daxil edəcək. Lakin hələ üçüncü tərəf Sİ agentləri ilə əməkdaşlıq planları tam müəyyənləşməyib.
O, hesab edir ki, süni intellekt Airbnb biznesini adi mal kimi bazarda qiymətləndirilməsinə səbəb olmayacaq, əksinə, yeni müştərilərin cəlb edilməsi üçün əlavə imkan yaradacaq.
İkinci rübdə Airbnb 3.1 milyard dollar gəlir əldə edib və səhm başına 1.03 dollar qazancla analitiklərin gözləntilərini üstələdi. Ancaq şirkət ilin ikinci yarısında artım tempinin yavaşlayacağını proqnozlaşdırıb.
