Amazon süni intellekt şirkəti Anthropic-ə 4 milyard dollara qədər sərmayə qoymağı planlaşdırır. Şirkət bu sərmayə ilə Microsoft, Meta, Google və Nvidia ilə rəqabəti artırmağı hədəfləyir. İlkin olaraq 1,25 milyard dollar sərmayə ilə minoritar pay alacaq Amazon bu investisiyanı ümumilikdə 4 milyard dollara qədər artırmaq hüququna malikdir.
Amazon ilə razılaşmanın bir hissəsi olaraq, Anthropic təhlükəsizlik araşdırması və gələcək baza modelinin inkişafı da daxil olmaqla, kritik iş yükləri üçün AWS-dən əsas bulud provayderi kimi istifadə edəcək və modelin inkişafı üçün AWS-in Trainium və Inferentia çiplərindən istifadə edəcək. Amazon-un baş direktoru Andy Jassy bu əməkdaşlıqla bir çox müştəri təcrübəsinin yaxşılaşacağına inandıqlarını bildirib.
