Məşhur süni intellekt (AI) Anthropic yeni maliyyələşmə mərhələsində 3,5 milyard dollar investisiya əldə etməyə yaxındır. Bu investisiya şirkətin dəyərini 61,5 milyard dollara çatdıracaq. Əvvəlcə Anthropic 2 milyard dollar toplamayı planlaşdırırdı, lakin investorların marağı artmış və bu rəqəm 3,5 milyard dollara qədər yüksəlmişdir.
Yeni maliyyələşmə raundunda Lightspeed Venture Partners, General Catalyst, Bessemer Venture Partners və Əbu-Dabidə yerləşən MGX investisiya şirkətinin iştirak edəcəyi bildirilir. Əgər bu mərhələ tamamlansa, Anthropic-in ümumi cəlb etdiyi investisiya 18 milyard dollara çatacaq.
Şirkət bu həftə yeni süni intellekt modeli – Claude 3.7 Sonnet-i təqdim edib. WSJ-in məlumatına görə, Anthropic-in illik gəliri 1,2 milyard dollara yaxınlaşır, lakin hələ də mənfəət əldə etmir. Şirkət yeni investisiyanı daha güclü və inkişaf etmiş AI texnologiyaları yaratmaq üçün istifadə edəcək.
