Avropa rəsmiləri Telegram-ı tənqid ediblər.
Onların fikrincə, messencer Ukraynaya dəstəyi sarsıtmağa yönəlmiş dezinformasiyaların yayılmasında kremlpərəst hesabların əsas silahına çevrilib. Bloomberg yazır ki, Rusiya kəşfiyyatçıları bu yaxınlarda Telegram-dan Avropa paytaxtlarında təxribat törətmək üçün xırda cinayətkarları cəlb etmək üçün istifadə ediblər.
Bu, iyunda keçiriləcək milli seçkilər ərəfəsində saxta xəbərlərlə mübarizəni əsas prioritet hesab edən Avropa rəsmilərini qəzəbləndirib. Şəbəkədəki məlumatları tənzimləmək üçün bütün yeni səlahiyyətlərinə baxmayaraq, onlar Telegram-ı cilovlamaqda praktiki olaraq acizdirlər.
"Dezinformasiya Telegram-da açıq və tamamilə nəzarətsiz şəkildə yayılır”, - Estoniyanın baş naziri Kaja Kallas bildirib.
Kallas həmçinin əlavə edib ki, məzmunun silinməsi tələbləri çox vaxt cavabsız qalır və digər Aİ-yə üzv dövlətlər də bunu yaşayır.
Qeyd olunur ki, Rusiya təbliğatı Avropada dezinformasiyanın yayılması üçün əsas resurs kimi Telegram-dan istifadə edir.
Eyni zamanda, Avropa rəsmiləri Telegram-ı rəqəmsal bazarlar haqqında qanuna əsasən cərimə edə bilməzlər, çünki bunun üçün messencerin Avropada 45 milyondan çox istifadəçisi olmalıdır. İndi isə Telegram-da cəmi 41 milyon var.
