Azərbaycanın ilk vençur fondu Caucasus Ventures daha 3 startapa yatırım edib. Bu haqda fondun özü məlumat yayımlayıb. İnvestisiya edilən startaplar Azərbaycan, Amerika və Özbəkistan startaplarıdır. İnvestisiya edilən startaplar PERKSKIT, TASS Vision, BERKM startaplarıdır.
PERKSKIT fərdi üstünlüklərə əsaslanaraq, işçilərin mükafatlarını səmərəli şəkildə idarə etmək üçün şirkətləri gücləndirən həllər təqdim edir. Startapın təsisçiləri Fərid Ağamalıoğlu, Faiq Rüstəmov və Fuad Muradovdur. Startap daha öncə Startup Wise Guys-dan 90 min Avro investisiya almışdı.
BERKM ətraf mühit problemlərini həll edərək, onlar qablaşdırmada plastik istifadəni azaltmaq üçün yenilikçi həllər təqdim edir. Startapın həmtəsisçisi həmyerlimiz Bəhruz Məmmədovdur.
TASS Vision müşahidə görüntülərini real vaxta əsaslanan məlumatlara çevirir. Bununla da istifadəçilər mağazalardakı məhsulların satışını izləyə, əməkdaşlara nəzarət edə bilərlər.
Caucasus Ventures bununla da investisiya etdiyi startap sayını 9-a çatdırdı.
Fondun kapitalını 11.3 milyon manat təşkil edir. Fonda İnnovasiya və Rəqəmsal İnkişaf Agentliyi 5 milyon manat, “PAŞA Holdinq” Şirkətlər Qrupu 5 milyon manat və fərdi sahibkarlar isə 1.3 milyon manat yatırım ediblər. Caucasus Ventures-in “General Partneri” Məmməd Kərimdir.
