Türkiyənin müdafiə sənayesinin qabaqcıl şirkətlərindən olan Baykar daha bir mühüm addım atıb. Şirkət daha iki Bayraktar TB2 pilotsuz uçuş aparatını heç bir ödəniş almadan Ukraynaya təhvil verib.
Bu o deməkdir ki, Baykar Rusiyanın genişmiqyaslı işğalının ilk günlərindən Ukraynaya dəstək verir.
Bu barədə Ukrayna Müdafiə Nazirliyinin Kəşfiyyat Baş İdarəsindən məlumat verilib. İdarə Baykar şirkətinin Ukraynaya daha iki Bayraktar TB2 bağışladığını açıqlayıb və Türkiyənin müdafiə sənayesinin aparıcı şirkətinə təşəkkürünü bildirib.
Rəsmi açıqlamanı sizə təqdim edirik:
"Ukraynanın böyük dostu və iş ortağı Baykardan daha iki Bayraktar TB2 pilotsuz uçuş aparatı aldıq. Baykar onları Ukrayna Silahlı Qüvvələrini və Ukrayna xalqını işğalçılardan qorumaq üçün təmənnasız bağışladı. Ölkəmizin ən çətin vəziyyətində güzəştsiz və davamlı dəstəyə görə Baykar şirkətinə çox minnətdarıq."
Xatırladaq ki,Ukrayna xalqının vətənini müdafiə etmək üçün Bayraktar TB2 SİHA almaq üçün təşkil etdiyi ianə kampaniyası ilə 3 gündə 20 milyon dollar toplanmışdı. Ölkənin məqsədə çatmaq istəyinin və həmrəylik ruhunun onlara təsir etdiyini bildirən Baykar daha Ukraynaya 3 ədəd Bayraktar TB2-ni pulsuz vermişdi.
