Kriptovalyuta birjası Binance ChatGPT tərəfindən dəstəklənən yeni süni intellekt aləti təqdim edib.
Dünyanın ən böyük kriptovalyuta birjası öz istifadəçilərinə süni intellekt dəstəyi təklif edib. ChatGPT tərəfindən dəstəklənən söhbət botu kriptovalyutalarla bağlı suallara cavab verəcək. Onun istifadə edəcəyi əsas mənbə Binance Academy-dir.
Onu da qeyd edək ki, Binance Sensei adlı yeni model hazırda yalnız ingilis dilini dəstəkləyir. Kriptovalyuta birjası gələcəkdə daha çox dil əlavə etməyi və innovativ təhsil alətini daha geniş istifadəçi bazasına təqdim etmək istədiyini bildirib.
