Cənubi Koreyada maraqlı hadisə baş verib. Cənubi Koreya hökumətinə məxsus aktiv şəkildə istifadə edilən YouTube kanalı xakker hücumuna məruz qalıb. Kanalın adını “SpaceX Invest” olaraq dəyişdirən xakkerlər Elon Mask-ın kriptovalyuta ilə bağlı müsahibəsini paylaşıblar. Xakkerlərin niyə belə bir şey etdiyi anlaşılmayıb.
Məlumatlara görə, hücum 3 sentyabr şənbə günü baş verib. Hesabın giriş məlumatlarını əldə edən xakkerlər əvvəlcə kanalın adını dəyişib, daha sonra İlon Maskın Qətər İqtisadi Forumu tədbiri çərçivəsində Bloomberg-in əməkdaşı Con Mikletveyt-ə verdiyi müsahibəni paylaşıblar.
Onu da əlavə edək ki, Cənubi Koreya hökuməti YouTube kanalının sındırıldığını düz 3 saat sonra öyrənib. Bununla bağlı hərəkətə keçən səlahiyyətlilər hesaba nəzarəti bərpa ediblər. Xakkerlərin kimliyini isə müəyyən etmək mümkün olmayıb. Məsələ ilə bağlı hökumət hələ ki rəsmi açıqlama verməyib.
