Google Bitcoin-a marağın azaldığını bildirib

Google-un axtarış tendensiyalarından əldə edilən məlumatlara görə, Bitcoin və digər əsas kriptovalyutalara marağın azalması müşahidə olunur. Son zamanların məşhur kriptovalyutası Bitcoin bir az geriləsə də, investorların diqqət mərkəzində olmaqda davam edir. Bildirək ki, ötən il 69 min dollar səviyyəsinə yüksələn, lakin bu il 40 min dollar civarında olan Bitcoin internet istifadəçilərinin artıq əvvəlki kimi diqqətini çəkmir. Əldə olunan məlumatlara görə, 17-23 aprel tarixlərində dünya üzrə Bitcoin axtarışları keçən illə müqayisədə azalıb. Bitcoin üçün ən çox axtarış edilən ölkə Nigeriya, sonra El Salvador və Avstriyadır. Qeyd edək ki, bəzi analitiklər Bitcoin-ə maraq azalsa da, altcoinlər populyar olaraq qaldığını bildiriblər.