İlon Maskın Twitter-i almasından sonra bir çox maraqlı layihələrə imza atan sahibkar indi X sosial media platformasında "Tanışlıq" funksiyasını inkişaf etdirdiyini rəsmən açıqlayıb.
Bildirilən məlumatlara görə İlon Mask "Tanışlıq" funksiyasının platformaya gələcəyini rəsmi olaraq təsdiqləyib. Bu yaxınlarda baş tutan şirkət toplantısında Mask həm bu yeni funksiyanı təsdiqləyib, həm də platformanın “hər şey platforması” olmasını istədiyini bildirib.
Bu yeni funksiya istifadəçilərə platforma daxilində flört etmək imkanı təqdim edəcək. Sınaq mərhələsində olan yeni funksiyanın qiymət və buraxılış tarixi kimi təfərrüatlar hələ ki bəlli olmayıb. Maskın açıqlamasına görə bu xüsusiyyət X istifadəçilərinin paylaşımlarına əsasən ən yaxşı uyğunluğa çatmasına kömək edəcək.
Beləliklə, deyə bilərik ki,X Tinder kimi tanışlıq proqramlarına bənzər bir təcrübə təqdim edəcək.
