İlon Maskın açıqlamasına görə X sosial platforması tezliklə hər kəs üçün ödənişli ola bilər. Bu addım platformada bot hesabları ilə mübarizə aparmaq üçün edilir.
İsrailin baş naziri Benyamin Netanyahu ilə canlı yayımda görüşən Mask bu ödənişin “aşağı məbləğ” olacağını bildirsə də, dəqiq məbləği açıqlamayıb. Hazırda X-in 550 milyon aylıq istifadəçisi və gündə 100 milyondan 200 milyona qədər yazısı var. Mask daha əvvəl bot problemini həll etməkdə qərarlı olduğunu bildirmişdi.
Mask bu dəyişikliyin nə vaxt baş verəcəyini açıqlamayıb. Bununla belə, şirkət bir müddətdir ki, istifadəçilərini ödənişli abunə məhsulu X Premium-a abunə olmağa təşviq etmək üçün bir çox yeniləmələr edir.
