Bu yaxınlarda istifadəçilərə yeni funksiyalar təqdim edən Instagram indi də başqa bir funksiya üzərində işləyir.
Instagram-la bağlı paylaşımları ilə tanınan Alessandro Paluzzi platformanın yeni bəyənmə reaksiyası üzərində işlədiyini açıqlayıb. Paluzzi tərəfindən edilən paylaşımda platformanın bəyənmə simvolunun daha çox ön plana çıxdığı görülüb.
Bildirək ki, hal-hazırda Instagram-da aktiv şəkildə istifadə edilən oxşar reaksiyada iki dəfə kliklədikdə ortada ağ ürək görünür. Yeni funksiyaya görə isə qırmızı ürək işarəsi ekranda aşağıdan yuxarıya doğru hərəkət edəcək.
Alessandro Paluzzinin sözlərinə görə, sınaq mərhələsində bəzi istifadəçilər üçün yeniləmə hələ də beta mərhələsindədir. Yeni funksiyanın qısa müddətdə bütün istifadəçilər üçün əlçatan olacağı gözlənilir.
