Instagram istifadəçilərin dostları ilə birbaşa mesajlarda (DM) canlı yer paylaşmasını mümkün edən yeni funksiyanı təqdim edir.
Sosial media istifadəsini daha əyləncəli hala gətirməyi hədəfləyən Instagram, artıq DM-lərdə istifadəçilərin 1 saata qədər canlı yer paylaşmasına imkan verir. Bu funksiyanı yalnız qrup söhbətlərində və ya fərdi mesajlarda istifadə etmək mümkündür.
İstifadəçilərin yer paylaşımını unutmasının qarşısını almaq üçün Instagram söhbətin yuxarı hissəsində məkan işarəsi ilə göstərici əlavə edib. Bu xüsusiyyət konsertlərdə, qrup gəzintilərində və ya görüşlərdə iştirakçıların bir-birini daha asan tapmasına və koordinasiya üçün vaxtdan qənaət etməsinə imkan yaradır.
Hal-hazırda yalnız bəzi ölkələrdə əlçatan olan canlı yer paylaşımı funksiyası ilə yanaşı, Instagram daha bir yeniliyi təqdim edib. Bu yenilik DM-lərdə istifadəçilərin özlərinə və dostlarına ləqəb təyin edərək adları fərdiləşdirməsinə imkan verir.
Bunun üçün söhbət başlığındakı ada toxunan istifadəçilər, “Nicknames” (Ləqəblər) bölməsindən dostlarının adlarını istədikləri ləqəblə dəyişə bilərlər. Yalnız xüsusi mesajlarda görünən bu ləqəblər Instagram-ın digər hissələrində paylaşılmır.
