Çərşənbə axşamı instagram elan edib ki, istifadəçilərə Instagram profilinin biosuna beşə qədər link əlavə etməyə icazə verəcək. İstifadəçilər instagram tətbiqində profillərini redaktə edərək linkləri əlavə edə bilər. Bununla belə, əgər birdən çox link əlavə etmisinizsə, profilinizə daxil olan hər kəs həmin linklərin siyahısını görmək üçün “digər linklər” mesajına klikləməli olacaq.
Bu funksiyadan istifadə etmək üçün istifadəçilər “Profili redaktə et”, sonra “Bağlantılar”, sonra “Xarici link əlavə et”i seçməlidirlər.
Bununla belə, linklər sözügedən veb-saytı ayrıca brauzer pəncərəsində açmır – link Instagram tətbiqinin daxilində açılır. Safari və ya Chrome kimi daxili brauzerinizə keçmək istəyirsinizsə, səhifənin yuxarısındakı üç nöqtəli menyuya toxunmalı və “sistem brauzerində aç” seçimini etməli olacaqsınız.
Meta-nın icraçı direktoru Mark Zukerberq bildirib ki, "Yəqin ki, bu yenilik bizdən ən çox tələb olunan xüsusiyyətlərdən biri idi".
