Meta 2025-ci ildə süni intellekt və məlumat mərkəzlərinə 60-65 milyard dollar investisiya qoymağı planlaşdırır. Bu barədə şirkətin rəhbəri Mark Zukerberq sosial şəbəkələrdə məlumat verib. Bu, 2024-cü ildə təxminən 35-40 milyard dollar sərf edildiyi ilə müqayisədə əhəmiyyətli dərəcədə daha çoxdur.
Investisiyanın bir hissəsi məlumat mərkəzlərinə yönəldiləcək. Həmçinin, Meta 2025-ci ildə 1,3 milyon qrafik prosessor (GPU) və İİ komandasında ciddi genişlənmə hədəfləyir. Meta, artıq Nvidia-nın ən böyük müştərilərindən biridir. Zukerberq 2025-ci ilin İİ üçün "təyinedici" bir il olacağını və Meta-nın İİ-nin 1 milyarddan çox istifadəçisi olacağını gözləyir.
Microsoft 2025-ci ilin maliyyə ilində məlumat mərkəzlərinə təxminən 80 milyard dollar investisiya qoymağı planlaşdırır. TikTok-un sahibi olan ByteDance şirkəti isə süni intellekt infrastrukturasına 12 milyard dollardan çox yatırım edəcək. OpenAI, Oracle və SoftBank 2025-ci ilin yanvarında ABŞ-da məlumat mərkəzləri tikmək üçün 100 milyard dollar ilkin investisiya ilə Stargate adlı bir şirkət qurdu və növbəti 4 il ərzində 500 milyard dollara qədər investisiya qoymağı planlaşdırır.
Qeyd edək ki, Meta Rusiya tərəfindən ekstremist təşkilat kimi tanınır və ölkədə fəaliyyətinə qadağa qoyulub.
