Rəqəmsal İnkişaf və Nəqliyyat Naziri Rəşad Nəbiyev İlon Mask ilə görüşüb. Nazir bu barədə məlumatı X hesabında paylaşıb.
"“Tesla”nın Ostin şəhərindəki “Giga Texas” zavodunda şirkətin qurucusu İlon Mask ilə görüşdük. “Starlink” peyk internet xidmətinin bu il ölkəmizdə planlaşdırılan fəaliyyəti, ölkəmizə məxsus peyklərin orbitə buraxılması, eləcə də bu ilin oktyabr ayında Bakının ev sahibliyi edəcəyi Beynəlxalq Astronavtika Konqresi ətrafında fikir mübadiləsi apardıq."
Bu ilin oktyabr ayında Bakıda keçiriləcək Beynəlxalq Astronavtika Konqresində İlon Maskın da iştirak edəcəyi gözlənilir. İlon Maskla yanaşı tədbirin qonaqları arasında Ceff Bezonun da olacağı güman edilir.
