OpenAI ABŞ-da 10–12-ci siniflərdə oxuyan və dördillik universitetlərə qəbul olmağı planlaşdıran şagirdlər üçün ChatGPT-yə College Planner alətini əlavə edəcək.
Yeni alət universitet müraciətləri ilə bağlı tələbləri, son tarixləri və maliyyə yardımı üzrə görüləcək işləri vahid planda toplamağa imkan verəcək. Şagirdlər planla bağlı suallarını da ChatGPT-yə verə biləcəklər.
OpenAI həmçinin Boston Children’s Hospital-ın Digital Wellness Lab və onun müstəqil Student Advisory Council təşəbbüsünü üç il ərzində dəstəkləyəcəyini açıqlayıb. Tərəfdaşlığın əsas məqsədi rəqəmsal rifah və Sİ-nin yeniyetmələr tərəfindən istifadəsini araşdırmaqdır.
Şirkət iOS üçün qeydlərin fotolarını birləşdirərək PDF-ə çevirən funksiyanı, həmçinin flashcard və quiz alətlərində yenilikləri də elan edib.
