Media pleyer və axın xidməti Plex kiber-hücuma məruz qaldığını açıqlayıb.
Plex platformasının verdiyi açıqlamaya görə, verilənlər bazalarında bəzi şübhəli hərəkətlər aşkar edilib. Araşdırmada üçüncü şəxslərin serverlərə icazəsiz daxil olduğu aydın olub.
Bildirilir ki, təcavüzkarlar istifadəçi adı, e-poçt və şifrələnmiş parolları oğurlayıblar. Bu məlumatların istifadəçilərə fişinq e-poçtları göndərmək üçün istifadə olunacağı ehtimal edilir. Məlumatlara görə, "Have I Been Pwned" saytının qurucusu da zərərçəkənlər arasındadır və o qeyd edib ki, bu cür hücumlardan qorunmağın yeganə yolunun iki addımlı təsdiqlənmədən istifadə etməkdir. Həmçinin hesabın qorunması üçün cihazdan çıxmadan parolun dəyişdirilməsinin də işə yaradığı bildirilir.
