Reddit sosial platforması xaker hücumuna məruz qalıb. Bu barədə açıqlama verən platforma bildirib ki, bir şirkət əməkdaşı fişinq hücumuna məruz qalıb, nəticədə Reddit-in daxili sisteminə daxil olmaq üçün tələb olunan məlumatlar oğurlanıb.
Məlumatlara görə, xakerlər bəzi sənədlərə, mənbə koduna və biznes sistemlərinə giriş əldə ediblər. Reddit işçilərinin əlaqə məlumatları və bəzi reklamçıların məlumatları da oğurlanıb. Bildirilir ki, şirkətin təhlükəsizlik qrupu xakerlərin sistemə girişini ləğv edib və hadisə ilə bağlı araşdırma aparırlar.
Hazırda oğurlanmış məlumatın internetdə yayılmasına dair heç bir sübut yoxdur. Buna baxmayaraq, Reddit əməkdaşlarına iki faktorlu autentifikasiyanı aktivləşdirməyi və parol menecerlərindən istifadə etməyi tövsiyə edir.
