Telegram özünün .gram yüksək səviyyəli domenini əldə etmək üçün müraciət edib. Bu barədə messencerin təsisçisi Pavel Durov rəsmi Telegram kanalında məlumat verib.
Durovun sözlərinə görə, müraciət ICANN tərəfindən təsdiqlənərsə, Telegram-ın bir milyard istifadəçisi özünəməxsus ikinci səviyyəli domen əldə edə biləcək.
Məsələn, @durov istifadəçisi durov.gram, @monk isə monk.gram domenindən istifadə edə biləcək.
Durov bildirib ki, Telegram-a öz domeninin verilməsi halında istifadəçilər messencerdən çıxmadan, sadəcə bir mesaj göndərməklə interaktiv veb-saytlar yarada və onları Telegram daxilində yerləşdirə biləcəklər.
Bu imkan Telegram istifadəçilərinə şəxsi səhifələr, layihələr və müxtəlif rəqəmsal xidmətlər üçün ayrıca veb ünvanları yaratmağa imkan verə bilər.
