“The New York Times” bildirib ki, texnologiya liderləri Tramp administrasiyasına növbəti kabinetin nümayəndələrini Silikon Vadisi üzvlərindən seçməsi üçün təsir etməyə çalışıb.
İlon Mask`ın Donald Trampla dostluğu nəzərə alındıqda, bu yönləndirmələrin çoxu onun dostu olan Palantir şirkətinin və investor şirkəti olan “8VC”in rəhbəri Con Lonsdeylə yönəlib.
Həmçinin liderlərin “Uber” şirkətinin keçmiş rəhbəri Emil Maykl`ı Nəqliyyat Departamentinin rəhbəri vəzifəsinə gətirmək istədikləri deyilir. 2011-ci ildə “Uber”ə rəhbərlik etməzdən öncə Maykl, Obama administrasiyasında Ağ Ev əməkdaşı və Müdafiə Nazirliyində Robert Qeytsin xüsusi köməkçisi olub. Məlumata görə, Maykl 2017-ci ildə “Uber” in qurucusu Travis Kalanik şirkətdən istefa verməyə məcbur edilməzdən bir müddət əvvəl “Uber”dən qovulub.
Həmçinin “Times” bildirib ki, Peter Til`in uzun müddət əməkdaşı olan Cim O'Neill`in, Səhiyyə və Sosial Xidmətlər Departamentinə rəhbərlik etməsi təklif edilib. Lakin Tramp vaksinasiyaya skeptik yanaşan Robert F. Kennedi-kiçik`i seçib.
Xəbərdə qeyd edilib ki, bu barədə Cim O'Neill`in adı daha öncələr də çəkilib. Trampın bundan öncəki administrasiyası zamanı onun Qida və Dərman agentliyinin rəhbəri olması tövsiyə edilmişdi, lakin həmin vaxt o Til`in “Mithril Capital Management” şirkətində çalışırdı.
