Samsung və Turkish Airlines 1 dekabr 2025-ci il tarixindən etibarən SmartThings Find platforması üzərində qurulan Smart Tagged Baggage Service adlı yeni xidməti istifadəyə verib.
Bu xidmət sayəsində Turkish Airlines itirilmiş baqajın axtarışını daha səmərəli həyata keçirə biləcək. Əgər sərnişin baqajına yerləşdirilmiş Galaxy SmartTag üçün yerləşmə linkini itki barədə müraciətə əlavə edərsə, aviaşirkət baqajın yerini daha sürətli müəyyən edə biləcək.
Sərnişinlər həmçinin SmartThings Find tətbiqində SmartTag cihazının görüntüsünü öz çemodan və ya çantasının fotosu ilə əvəz edə bilərlər. Bu, baqajın identifikasiya prosesini xeyli sürətləndirəcək.
Samsung yaxın zamanda digər aviaşirkətlərlə də bu cür tərəfdaşlıqlar qurmağı planlaşdırır, lakin konkret adlar açıqlanmayıb.
Qeyd edək ki, 2024-cü ildə Apple da AirTag izləyicilərinin yer məlumatı üçün xarici linklərin paylaşılmasına icazə vermişdi. Bu imkan da aviaşirkətlərə itirilmiş baqajın daha tez tapılmasına kömək edir.
