Xiaomi rəsmi olaraq öz ikinci elektrik avtomobilini – YU7 krossoverini təqdim edib. Modelin satışlarının 2025-ci ilin iyun və ya iyul aylarında başlaması gözlənilir.
YU7, biri ön tərəfdə 220 kVt, digəri isə arxa tərəfdə 288 kVt gücə malik iki elektrik mühərriki ilə təchiz edilib. Bu mühərriklər birlikdə 508 kVt (681 at gücü) hasil edir. Avtomobilin maksimal sürəti 253 km/saat təşkil edir. Krossoverin ölçüləri isə 4999 mm uzunluq, 1996 mm en və 1600 mm hündürlükdür. Onun təkər bazası 3000 mm, ümumi çəkisi isə 2405 kq-dır.
YU7-nin batareyası CATL şirkəti tərəfindən təmin olunur, lakin batareyanın tutumu hələ açıqlanmayıb. Avtomobilin dizaynı Ferrari Purosangue modelini xatırladır: aerodinamik korpus, uzun kapot və əyri pəncərə xətti ilə fərqlənir. Daha əvvəl Xiaomi öz ilk elektrik sedanı olan SU7-ni təqdim etmişdi. Bu model böyük uğur qazanaraq 2024-cü ilin noyabrına qədər 100,000-dən çox satış göstəricisi ilə diqqət çəkib.
YU7-nin buraxılışı ilə Xiaomi elektrik avtomobil bazarında mövqeyini gücləndirməyi və Tesla kimi markalarla rəqabət etməyi planlaşdırır. Modelin qiymətinin 250,000–350,000 yuan (təxminən 3,300,000–4,700,000 rubl) aralığında olacağı gözlənilir.
