Ötən il Bakıda istifadəyə verilən “Apar” velo-sharing xidməti bu gün fəaliyyətinin 1-ci ildönümünü qeyd edir. Şirkət şəhər sakinlərinə həm hibrid (narıncı), həm də mexaniki (yaşıl) velosipedləri kirayələmək imkanı təqdim edir.
İstifadəçilər velosipedləri həm abunəlik, həm də tək səfərlik ödəniş üsulu ilə götürə bilirlər:
Abunəlik planları: aylıq 11.99 AZN-dən başlayır, illik isə 36 AZN təşkil edir. Abunəçilər gün ərzində 10 dəfəyə qədər, hər dəfə 60 dəqiqə olmaqla velosipeddən istifadə edə bilirlər.
Tək səfərlik plan: aktivləşdirmə 0.40 AZN, fasilə 0.02 AZN, vaxt ödənişi isə 0.04 AZN-dir.
Qiymətlər velosipedin növünə görə dəyişir və bütün detallarla “Apar” mobil tətbiqi üzərindən tanış olmaq mümkündür.
Bir il ərzində “Apar” Bakıda minlərlə istifadəçiyə xidmət göstərərək şəhər nəqliyyatında alternativ və ekoloji təmiz seçimə çevrilib.
Xidmət həmçinin şəhərin mobilliyinin inkişafına müsbət təsir edib. İstifadəçilər gündəlik qısa məsafəli marşrutlarda avtomobil və ya ictimai nəqliyyata alternativ olaraq velosipedlərdən yararlanmağa başlayıblar. Bu isə tıxacların azalmasına, daha sağlam həyat tərzinin təşviqinə və ekoloji mühitin qorunmasına dəstək olub. Velosiped istifadəsinin artması şəhər infrastrukturuna yeni tələblər yaradaraq daha çox velosiped yolu və dayanıqlı nəqliyyat həllərinə marağı gücləndirib.
