Apple Çindəki cihazlarında öz süni intellekt texnologiyasını tətbiq etmək üçün Alibaba ilə əməkdaşlıq edib. Bu, Çin hökumətinin tələbi idi və yalnız bu əməkdaşlıq sayəsində Apple-ın süni intellekti bölgədə fəaliyyət göstərə bilirdi.
Əvvəlcə Apple Baidu ilə əməkdaşlıq etməyi düşünürdü, amma Baidu-nun süni intellekti gözlənilən səviyyədə olmadığı üçün bu əməkdaşlıqdan imtina edilib. Apple Alibaba-nın Qwen süni intellektini böyük bir fürsət olaraq görüb. Məlumatlara görə, Alibaba Çin sakinləri haqqında topladığı geniş məlumat sayəsində Apple-a öz xidmətlərini daha fərdiləşdirərək yerli bazarda daha rəqabətli olma imkanı verəcək.
Apple DeepSeek-i də mümkün tərəfdaş olaraq qiymətləndirmişdi, amma DeepSeek-in böyük miqyaslı əməliyyatlarda kifayət qədər təcrübəsi və kadr potensialı olmadığı üçün bu əməkdaşlıqdan da imtina edilib.
