Apple ilk ağıllı eynəkləri üçün yeni konsept hazırlayır. Məlumata görə, şirkət ekransız, lakin kamera və sensorlarla təchiz olunmuş model üzərində işləyir. Layihə N50 kod adı ilə tanınır və təqdimatın 2026-cı ilin sonu və ya 2027-ci ilin əvvəlində olacağı gözlənilir.
Yeni eynəklər gündəlik istifadə üçün nəzərdə tutulur. İstifadəçilər foto və video çəkə, zəngləri idarə edə, bildirişləri dinləyə və musiqi oxuda biləcək. Qurğu Siri vasitəsilə səsli idarəetməni dəstəkləyəcək və iPhone ilə sıx inteqrasiya olunacaq.
Apple bu məhsulla geyilə bilən süni intellekt cihazları bazarında mövqeyini gücləndirməyi hədəfləyir. Şirkət həmçinin dizaynı tam öz nəzarətində saxlayaraq rəqiblərdən fərqlənmək istəyir. Eynəklərin bir neçə forma və rəng variantında təqdim olunacağı bildirilir.
