BMW daha yüksək xammal xərcləri və artan logistika xərcləri səbəbindən Çində satılan bəzi modellər üçün təklif olunan pərakəndə satış qiymətlərini artırıb.
"Shanghai Securities News"agentliyinin məlumatına görə, BMW 5 Series sedan və X5 krossoverləri də daxil olmaqla, 17 modelin qiymətləri qalxıb. Məlumata görə, krossoverlər üçün qiymət 7 000-17 000 yuan (1,037,25 - 2,519,04 dollar) artırılıb. Şirkət rəsmi açıqlamasında "BMW xammal və avtomobillərin istehsal xərclərindəki dəyişikliklərə çevik reaksiya vermək üçün məhsullarını mütəmadi olaraq nəzərdən keçirir və qiymətləri təyin edir", - deyə bildirib.
Onu da nəzərinizə çatdıraq ki, "China Merchants Bank International"ın çərşənbə axşamı açıqladığı məlumatlara görə, yanvarın ilk 29 günündə Çində BMW avtomobillərinin orta gündəlik pərakəndə satışları 2022-ci ilin eyni dövrü ilə müqayisədə 18,6%, ümumi minik avtomobillərinin satışı isə 45% azalıb.