Sızdırılan məlumata görə Google Pixel 8 modelində süni intellekt dəstəkli kamera tətbiqləri ön plana çıxacaq. Belə ki, bu yeni cihazda şirkətin özünün hazırladığı Tensor G3 adlı prosessordan istifadə edəcəyi gözlənilir. Google bu prosessorda Samsung ilə əməkdaşlıq edəcək və bu prosessor Samsung-un Exynos 2300-ün dəyişdirilmiş versiyası olacaq.
Pixel 8-in dizaynı əvvəlki modeldən daha yığcam struktura malik olacaq. Xüsusilə, Pixel 8 Pro modelinin üçlü kamera sistemi ilə gələcəyi gözlənilir: əsas kamera, telefoto kamera və ultra geniş bucaqlı kamera. Həmçinin bildirilir ki, qurğuda LiDAR sensoru da ola bilər.
Pixel 8-in digər mühüm xüsusiyyəti onun simsiz enerji doldurma qabiliyyətidir. Cihaz 12W Qi simsiz enerji doldurma dəstəyi təklif edəcək. Bundan əlavə, onun ən son Qi2 şarj texnologiyasına uyğun olduğu bildirilir.
Google Pixel 7 modeli ilə təqdim etdiyi bulanıqlığı aradan qaldırma xüsusiyyətini Pixel 8-dəki videolara gətirir. Bu yolla videolarda yarana biləcək səs-küy və bulanıqlığın qarşısının alınması hədəflənir. Bu mövzuda açıqlama verən analitik Mishaal Rahman bu xüsusiyyətin videolarda arzuolunmaz fon səslərini azaldaraq daha aydın video təcrübəsi təmin edəcəyini bildirir.
