Hindistanın Telekommunikasiya Departamenti messencerlərə istifadəçi hesablarına bağlı sim-kartların aktivliyini hər 90 gündən bir yoxlamağı məcburi edib.
India.com-un məlumatına görə, bu tələblər ölkədə dələduzluq hallarının qarşısını almaq məqsədilə tətbiq olunub. Cinayətkarlar nömrə təsdiqi funksiyalarının olmamasından istifadə edərək spam yayır, istifadəçiləri aldadır və hətta oğurlanmış profillərdən belə sui-istifadə edirdilər.
Yeni qaydalara əsasən, Telegram, WhatsApp, Signal, Snapchat, ShareChat, JioChat, Arattai və Josh messencerləri Hindistanda hər üç aydan bir istifadəçi nömrələrini təsdiqləməlidirlər. Əgər sim-kartın aktivliyi təsdiqlənməzsə, tətbiqlər həmin hesabların girişini bloklamağa borclu olacaqlar.
