Perplexity AI “Billion Dollar Build” adlı yeni təşəbbüsünü təqdim edib. 8 həftə davam edəcək proqram startapların sürətli şəkildə qurulmasına yönəlib.
Layihə çərçivəsində komandalar Perplexity Computer alətindən istifadə edərək 1 milyard dollar dəyərə çatmaq potensialı olan bizneslər yaratmağa çalışacaqlar. Məqsəd qısa müddətdə real bazar dəyəri olan məhsulların hazırlanmasıdır.
Final mərhələyə çıxan iştirakçılar Perplexity Fund tərəfindən 1 milyon dollara qədər investisiya və əlavə olaraq 1 milyon dollarlıq hesablama kreditləri əldə edə biləcəklər.
Ekspertlər hesab edir ki, bu təşəbbüs süni intellekt vasitəsilə startapların qurulmasına marağın artdığını və məhsul inkişaf prosesinin getdikcə sürətləndiyini göstərir.
Qeydiyyat.
