Samsung sərfəli qiymətə planşet seriyası Galaxy Tab A9 və Galaxy Tab A9+ modellərini təqdim edib. Hər iki model gündəlik istifadə ehtiyacları üçün ideal xüsusiyyətlərə malik olsa da, qiymətləri ilə də istifadəçilər üçün uyğundur.
Galaxy Tab A9 8,7 düymlük ekrana, MediaTek Helio G99 prosessoruna, 4 GB RAM və 64 GB yaddaşa malikdir. Ön kamera 2 MP, arxa kamera isə 8 MP təsvir ölçüsünə malikdir. Cihaz 5100 mAh batareya tutumu ilə gəlir və onun qiyməti 155 dollar səviyyəsində müəyyən edilib.
Daha böyük model olan Galaxy Tab A9+ 11 düymlük ekran, Qualcomm Snapdragon 695 prosessoru, 4-8 GB RAM və 64-128 GB yaddaş variantları ilə təklif olunur. Bu modeldə 5 MP ön kamera və 8 MP arxa kamera var. Akkumulyatorun tutumu 7040 milliamper/saat, qiyməti isə 250 dollardır.
Hər iki model Android 13 əməliyyat sistemi ilə işləyir və 15 Vt enerji doldurma dəstəyi təklif edir. Galaxy Tab A9 seriyasının qiymətləri model və qoşulma variantlarından asılı olaraq dəyişir.
