Yaponiyanın SoftBank Group şirkəti süni intellektlə işləyən robotların kütləvi istehsalına başladığını açıqlayıb. Şirkətin səhmdarların iyunun 24-də keçirilən toplantısında verdiyi məlumata görə, istehsal adı açıqlanmayan zavodda həyata keçirilir və məhsullar yaxın zamanda rəsmi şəkildə təqdim olunacaq.
Bu addım SoftBank-ın “fiziki süni intellekt” adlandırdığı istiqamətdə fəaliyyətini genişləndirməsinin bir hissəsidir. Şirkət 2025-ci ilin oktyabrında İsveçrənin sənaye texnologiyaları nəhəngi ABB-nin robototexnika bölməsini 5,375 milyard dollara almaq barədə razılıq əldə edib. Sövdələşmənin 2026-cı ilin ikinci yarısında tamamlanacağı gözlənilir. Satınalma SoftBank-a sənaye robotları bazarında mövqeyini daha da gücləndirməyə imkan verəcək.
