SpaceX-ə məxsus Starlink peyk interneti xidməti yeni referal proqramı başladıb. Proqram çərçivəsində mövcud abunəçilər dostlarını dəvət etməklə hər yeni istifadəçiyə görə 100 dollar bonus qazana bilərlər. Dəvət olunan yeni müştəri də eyni məbləğdə bonus əldə edir.
Proqram artıq əksər ölkələrdə əlçatandır. Bununla belə, mükafatın məbləği bazardan asılı olaraq dəyişə bilər.
Starlink-in təqdim etdiyi reklam videosunda istifadəçilərin tətbiq vasitəsilə fərdi dəvət linkləri paylaşa, dəvət etdikləri şəxsləri izləyə və topladıqları bonusları görə bildikləri nümayiş olunur. Altı nəfəri xidmətə cəlb edən istifadəçi ümumilikdə 600 dollar bonus əldə edə bilər.
Proqrama qoşulmaq və fərdi dəvət linki əldə etmək üçün Starlink-in rəsmi saytına daxil olmaq mümkündür.
