YouTube reklamları atlama düyməsində dəyişiklik etməyə hazırlaşır. Video paylaşım platformunun atla düyməsini tamamilə ləğv etdiyi və bəzi istifadəçilərin reklamları atlama imkanının olmadığı iddia edilir.
Platform, əvvəllər videolardan öncə və ya video əsnasında çıxan reklamları bir neçə saniyədən sonra atlamağa imkan verirdi. Lakin, təəssüf ki, YouTube artıq bu funksiyanı ləğv edir və reklamları atlama düyməsini çıxarır.
Bəzi kompüter istifadəçiləri dairəvi bir geri sayım taymeri və reklamları atlama düyməsini gizlədən boz düzbucaqlı görməyə başlayıblar.
MOBİL QURĞULARDA DA TƏTBİQ OLUNUR
YouTube-un bu xüsusiyyəti Android cihazlarında istifadə edilən tətbiqində də sınaqdan keçirdiyi məlum olub. Kompüterdəki reklamları atla düyməsini gizlədən düzbucaqlı və taymerin Android cihazlarda isə ümumiyyətlə görünmədiyi ortaya çıxıb.
ATLANA BİLMƏYƏN REKLAMLAR DÖVRÜ
Bu inkişafların ardından YouTube, atla düyməsini gizlədərək reklamları atlanmaz etmək niyyətində ola bilər. Hələlik platforma tərəfindən rəsmi açıqlama verilməsə də, yaxın günlərdə bu yeniliyin genişlənməsi gözlənilir.
