Zümzümə edərək Youtube-dan musiqi tapa biləcəksiniz

YouTube sınaqdan keçirdiyi yeni funksiya ilə istifadəçilərin platformada mahnı tapmasını asanlaşdırmağı hədəfləyir. Yeni səsli axtarış funksiyası ilə istifadəçilər video paylaşma platformasında mahnı axtarmaq istədikləri zaman zümzümə edə, oxuya və ya mahnı oxuya biləcəklər. Bu funksiya hazırda yalnız Android telefonlarında kiçik bir istifadəçi qrupu ilə sınaqdan keçirilir. İstifadəçilər ən azı üç saniyə mahnı oxumalı, zümzümə etməlidirlər. Daha sonra platforma melodiyanı müəyyənləşdirir və istifadəçiyə bütün nəticələri, o cümlədən rəsmi musiqi videosu, istifadəçi tərəfindən yaradılan məzmun, shortlar və axtarılan mahnını ehtiva edən videoları göstərir. YouTube-un ana şirkəti Google eyni funksiyanı 2020-ci ildə Google tətbiqində, Google Axtarış vidcetində və Google Assistant-da təqdim edib. Bu xidmətlərdə istifadəçilər; fit çalmaqla, oxumaqla və ya zümzümə etməklə mahnı tapa bilər. YouTube-dan fərq ondan ibarətdir ki, Google onu tanımaq üçün mahnının 15 saniyə ərzində zümzümə edilməsini tələb edir. Şirkət YouTube və Google-un eyni texnologiyadan istifadə etdiyini təsdiqləyib. Yeni funksiya Shazamı hər kəsin ağlına gətirdi; Ən populyar mahnı tapan proqramın 2017-ci ildə Apple tərəfindən satın alındığını nəzərə alsaq, iki texnologiya nəhənginin yenidən yarışdığını söyləyə bilərik. Apple-ın Google-a qarşı addım atıb rəqabəti gücləndirib-atmayacağını zaman göstərəcək.