Dünyanın ən yüksək IQ səviyyəsinə (276) sahib olduğunu iddia edən Cənubi Koreyalı YoungHoon Kim, Bitcoin (BTC) ilə bağlı olduqca cəsarətli proqnozla gündəmə gəlib.
Kim, 16 Noyabr 2025-ci il tarixində öz rəsmi "X" hesabında Bitcoin-in qiymətinin növbəti 45 gün ərzində 220.000 dollar səviyyəsini keçəcəyini iddia edib.
Onun bu iddiası kriptovalyuta ictimaiyyətində və maliyyə mətbuatında geniş rezonans doğurub. YoungHoon Kim, proqnozunun Grok AI tərəfindən verilən 175.000 dollarlıq hədəfdən daha sürətli və daha kəskin bir yüksəlişi nəzərdə tutduğunu vurğulayıb.
YoungHoon Kim bundan əvvəl də Bitcoin-in 10 il ərzində 100 dəfə bahalaşacağı kimi uzunmüddətli iddialı proqnozları ilə tanınırdı. Onun yüksək IQ sahibi kimi tanınması, bu cür maliyyə proqnozlarına olan marağı daha da artırır.
