San-Fransisko mərkəzli məlumat analitikası startapı Databricks, 130 milyard ABŞ dollarından yüksək qiymətləndirmə ilə yeni investisiya danışıqları aparır. Mənbələrə görə, bu danışıqlar hələ rəsmi müqaviləyə çevrilməyib.
Qeyd edək ki, Databricks sentyabr ayında 1 milyard dollar həcmində maliyyələşdirmə raundundan sonra 100 milyard dollar dəyərində qiymətləndirilmişdi. Startap məlumat yığımı, analitika və süni intellekt tətbiqlərinin hazırlanması üçün platforma təqdim edir.
Databricks-in müştəriləri arasında Block, Shell və Rivian kimi böyük şirkətlər yer alır. Startap isə yeni maliyyələşdirmə danışıqları barədə rəsmi şərh verməkdən imtina edib.
