Apple Rusiyada ödənişlərin alınmasını dayandırıb

Apple Rusiyada App Store və digər media xidmətləri üzrə ödənişlərin emalını dayandırdığını açıqlayıb. Şirkətin bildirdiyinə görə, 1 aprel 2026-cı ildən etibarən ölkədə rəqəmsal alışlar və abunəliklərin ödənişi artıq mümkün deyil və bu, mövcud istifadəçilərin aktiv abunəliklərinə də təsir göstərə bilər. Əgər istifadəçinin Apple hesabında vəsait yoxdursa, yeni alışlar, tətbiqdaxili ödənişlər və abunə yenilənməsi həyata keçirilə bilməyəcək. Qərar App Store, Apple Music, Apple TV+ və iCloud+ kimi xidmətləri əhatə edir. Şirkət qeyd edib ki, balansında vəsait olan istifadəçilər həmin məbləğ bitənə qədər xidmətlərdən istifadə edə biləcəklər.